انا مش انا .. بس لو انا انا .. يبئا اكيد انا جيت

[بقايا حبر]

السلام و المحبه و الاحترام

طبعا من غير دخول في تفاصيل و من غير زيطه و زمبليطه يا جماعه

ايوه انا عارف طبعا ان انضمامي لكم كان مفاجأه كبيره ليكوا بس معلش امسكوا اعصابكوا و خدوا بالكو

انا طبعا جيت

و من النهارده محدش هيسهر تاني اخر ميعاد للبنانيت في المنتدى بدري جدا الساعه 25 الصبح قبل المغرب على طول و احتمال يكون بعد العشا قولوا على الفجر كدا

اما بئا الشباب فدول سيبوهوملي انا


انا هطفشهم واحد واحد من المنتدى ده بس بشرط

ميطفشوش بجد ( انا مش عارف بكتب الكلام ده ازاي )


يالله المهم اني وصلت

فين بئا الطوب و الطماطم و الحاجات اللي بتتحدف على الناس دي

يالله ورونا الهمه كده و عاوز اشوف عصير ( قصدي دم )



خالص التحيه لكم و غامر سعادتي بكم


بقايا حبر ،،،،،،، و اخيرا الحبر اندلق

[basbosaa]

وعليكم السلام ورحمة الله وبركاتة


اية دة كله اية دة كله

يادى النور يادى النور

منورة ياقمر المنتدى كله
اوعى تكونى ساحبة من نور الحكومة
بهزر معاكى ياجميل

اية بس الدخلة الجامدة دية
براحة علينا شوية دة احنا غلابة

طب بدال هنمشى تبع ساعة بج بن
متجيبى لكل عضو منبه هدية
عشان المواعيط تبقى مظبوطة على الاخر
لا بجد مشاركة حلوة ونورتينا يابقايا
ان شاء الله المنتدى يعجبك وتستفيدى وتفيدى كمان ياقمر






فى أمــان الله

[كتكوتة مصر]

امممم انا مش عارفة اذا كنت male ولا female

بس انا هرحب بيكي زي ما بسبوسة عملت كده

واهو كله واحد بقا

بجد باين عليكي انك عسولة ودمك خفيف

ويشرفنا طبعا انه تنضم لينا بنوتة زيك

اهلا بيكي معانا




ومستنيينك تدلقي الحبر ع المنتدى كله

نورتينا يا قمر

[بقايا حبر]

وعليكم السلام ورحمة الله وبركاتة


اية دة كله اية دة كله

يادى النور يادى النور

منورة ياقمر المنتدى كله


ده بئا على اعتبار ان انا لمبه سهاري

اوعى تكونى ساحبة من نور الحكومة

لا متخافيش أنا جايبه معايا حجاره قلم و حجاره كراسه كمان سيبي بس موضوع النور ده على مباحث الكهربا

بهزر معاكى ياجميل

بصي بئا انا غلبت ادور على اللي اسمو ( بهزر ) بس مش لقيتو معايا و الله تحبي اروح ادور عليه في منتدى تاني

اية بس الدخلة الجامدة دية

كل يوم من ده




براحة علينا شوية دة احنا غلابة

ده بئا معناه اني لازم اتبرع و اطلعلكم صدقه يعني ولا ده مجرد كلام عابر يا غلابه

طب بدال هنمشى تبع ساعة بج بن
متجيبى لكل عضو منبه هدية

يا لهوي هوا انا اقدر اتأخر .. إن كان على المنبه من عيوني الاتنين .. بس فيه مشكله صغيره .. الدكاتره حذروني من المنبهات .. قالولي بلاش قهوه و شايات

عشان المواعيط تبقى مظبوطة على الاخر
لا بجد مشاركة حلوة ونورتينا يابقايا
ان شاء الله المنتدى يعجبك وتستفيدى وتفيدى كمان ياقمر

ربنا يخليكي يا رب و ان شاء الله هنفيد و نستفيد و هنملا جنبات المنتدى احبار

بس هوا فيه بس استفسار ( هوا انا مش باين عليا ان انا مش بنوته )




فى أمــان الله

و يالله مع ألف ألف سلامه و اشوفكم على خير في المنتدى الشارع التاني على اليمين بعد المنتدى العام الدور الرابع على الشمال


سلام يا احلا اعضاء

[بقايا حبر]

امممم انا مش عارفة اذا كنت male ولا female

لا بصراحه انا male مش female

بس انا هرحب بيكي زي ما بسبوسة عملت كده

واهو كله واحد بقا

لا من فضلك
مش كلو زي بعضو فيه ناس غلابه زيكو و في ناس زينا غلابه برضو



بجد باين عليكي انك عسولة ودمك خفيف

يعني مش عارف اقولك ايه ربنا يخليكي ولا احسن اقولك ربنا يدلق عليكي برميل عسل

ويشرفنا طبعا انه تنضم لينا بنوتة زيك

يا سلام

يعني لو انا مش بنوته مش هيسعدكم انضمامي لكم ( هيه دي العنصريه )

اهلا بيكي معانا




ومستنيينك تدلقي الحبر ع المنتدى كله

انا ماسك القلم الفلوماستر و نازل شخبطه في المنتدى

و في انتظار وجودكم الجميل في متصفحاتي

نورتينا يا قمر

برضو بتقول نورتينا و كأن مكتوب على جبيني لمبه أو عمود نور


شكرا ليكو و واضح ان وجودي معاكم هيطول ان شاء الله

[basbosaa]

السلام عليكم ورحمة الله وبركاتة



معلش يابقايا
عندنا دية
غلطة بريئة
مـــنــــور من غيرة ة
منور يابقايا واهلا بيك معانا مرة تانية



فى أمــان الله

[ماندولين]

ياراااااااااااااااااااااااااااااااااجل

تصدق بفتكر انا انا اللى جاية

ينفع الكلام ده يعنى



بعد ماوضبت الشنطة وظبطت الدنيا

المهم يعنى وانت جاي مجبتش حاجه؟؟؟؟؟

ولا حتى عصير قصب فى كيس؟؟؟ ولا الشاليمو حتى؟؟؟؟؟؟

لالالالالا انت مش مطول معانا

هتجيب الشاليمووووووووو اهلا وسهلا مش هتجييييييييبه

هترجع تقووووووول

الراجل صاحب البيت طردنى ورمانى الرمية ديه عشان له قرايب مهمييييييييييييين

بس متبقاش تقول حسبى اللى ونعم الوكيل

[بقايا حبر]

بسبوسه

أنا كنت فاكر ان عشرتنا هتدوم في المنتدى ده

لكن ما دمتي عملتي كده يبئا خلاص


اعتبريها دامت


و النور نورك و المنتدى كلو و كل شبكات الانترنت منوره بيكم


لك مني خالص التحيه و التقدير

[بقايا حبر]

ماندولين

يا ترى يا هل ترى انتي ماندولين اللي بالكريمه وللا اللي بالشكولاته

يالله اهو كلو زي بعضو ( عامل مش عارف علشان ميبقاش شكولاته و عصير )


شوفي يا ماندو

أنا طبعا مش هقدر اتأخر عليكي و كان لازم انفذلك طلبك



إتفضلي يا ستي العصير



أما عن الشاليموه فلقد جائنا الان بيان هام

حيث أعربت منظمة القصب العالميه عن فقد بعض بضائعها في الغاره التي شنتها اسرائيل على محلات القصب الفلسطينيه
بينما حذر مصدر مسئول من عمليات النهب التي تفشت في مجتمعاتنا القصبيه معلنة أن هناك فقد نحو 150 % من الشاليموهات الخاصه بشرب القصب


و حيث ان تنظيم القاعده بما له من قعده قويه قد أصدر بيانه التالي نصه :



أيها الساده و السيدات و الأولاد و كمان البنات

بنحيكم بتحيه مسكره تزيد عن سكر القصب يجي كده بحوالي 3 ليتر

أما بعد

و عن مشكلة اختفاء الشاليموه

فلقد حذر السيد أبو حفيظه من فوات مواعيد التطعيم ضد عصير القصب فلما إرتأي انه لا امل ولا حتى عمر من بقاء الشاليموه فلقد قرر سرقة كل الشاليموهات و قد فعلها ...

إلا أننا قد إستطعنا إختراق صفوف العدو الأماميه و زرع قنابل التمر الهندي و التي تفجرت على أثر هزه أرضيه سببها الجريب فروت

و لكنا سعداء جدا جدا بل نحن في غاية السعاده إذ أنه و على الرغم من وفاه تسعة أعشار جيشنا المحارب بقوه و الذي اتضح فيما بعد انهم كانوا يقتلون بعضهم البعض لأنهم لم يكونوا يعلمون لون ملابس العدو

إلا اننا قد استطعنا أخيرا الحصول على هذا الشاليموه




و هكذا استطاع بقايا حبر المحافظه على بقائه بمنتديات مصريه و قد قهر جيوش ماندولين اللي بالشكولاته و لم يقوى على ماندولين بالمكسرات


ههههههههههههههههه


معلش بئا يا ماندو خيرها في غيرها و مش هقول صحاب البيت طردوني علشان عندهم ناس مهمين


بايو


و شكرا جزيلا لحسن استقبالكم

[كتكوتة مصر]

اوووووبااااا.. انا كان قلبي حاسس

لا بجد sorry ..بس هي غلطتك برده


مش كنت تقولنا اسمك الكريم من الاول


بدل بقايا الحبر اللي بهدلتنا دي وبهدلت هدومنا


على كل اهلا بيك يا سيدي .. كده حلو

نورتنا يا باشا

اممم .. ايه تاني ؟؟

خلاص كفاية عليك كده

مستنيين نشوف جديدك بقا وتواجدك في مواضيع بقية الاعضاء

وخطوة عزيزة والله