قرقضة ضوافر

[الدكتوووور]

" الفائز بلقب الموضوع المتجدد الاكثر شعبية"

ام الخيرالف مبروك

مين فينا ساعة القلق مش بيقرقض ضوافره

اعتقد ان هذه العملية تضح جليا خصوصا في فترة الامتحانات....

لكن ان تكون هذه عادة ... هذا هو الخطير

المهم ..... بعد السلام والذي منه


لكن وبدون هتافات و لا ترحيبات ...تعالوا نتكلم

هو احنا في قسم ايه؟

اه ده بتاع الشباب ...

المهم ايه رايكم واحنا كده بنقرقض ضوافرنا نتكلم عن قلقنا..

ايه اللي احنا قلقنين منه وخايفين انه يحصل؟

و علي مدي السطور اللي جاية عايز اقرقض ضوافري وانتم كمان بس بشيئ مفيد....

مش عارف ابدا بايه .. بس عايز نخليها مثلا كلام من القلب للقلب للقلم للدماغ عدل..

قرقضة ضوافر علي جانب من النيل الاعظم في كنف الحضارة حول بحر من السعادة وشط من الاحزان خلف اسدلة ليل وردية ومطر يحبو خلف اشعة شمس ذهبية لتختفي وراء انجم لا تعلم ما هيتها سوي انها انجم .........

المهم

استنونا في قرقضة ضوافر

[رقه المشاعر]

موضوعك حلو اوى يادكتور
بس انا الحمد الله مش بقرقض ضوافرى خالص لانهم طوال ومتظبطين فطبعا مش هبوظهم فمبجيش ناحيتهم

اما الى خايفه منه او قلقانه منه هى حاجه واحده ان مدير الشغل يجى ههههههههههههههههه ادعى بقى انه ميجيش

[هناا]

الله حلو الموضوووووووووووووع

بس انا مش بقرقض ضوافرى اخااف يبوظوا اصلهم طووال ههههههههه

يعنى هوة ممكن نقول من غير قرقضة


بس بجد الموضوع حلو والعنوان مميز


تحياتى لك

[سفير الحب]

ههههههههههههههههه
دكتور انا بقرقض الصلاحة بس لانى مش بحبها تبقى طويلة
وموضوعك جميل جدااا وهتابع بأذن الله
فكرتة جنان يا غالى

[AMMOONA]

انا قلقانة من الموضوع ده
هههههههههههههه
منتظرااااااه

[الدكتوووور]

موضوعك حلو اوى يادكتور
بس انا الحمد الله مش بقرقض ضوافرى خالص لانهم طوال ومتظبطين فطبعا مش هبوظهم فمبجيش ناحيتهم

اما الى خايفه منه او قلقانه منه هى حاجه واحده ان مدير الشغل يجى ههههههههههههههههه ادعى بقى انه ميجيش

اهلا يا رقة

ربنا ما يجيب المدير بتاعك

واستنيني في قرقضة

[الدكتوووور]

الله حلو الموضوووووووووووووع

بس انا مش بقرقض ضوافرى اخااف يبوظوا اصلهم طووال ههههههههه

يعنى هوة ممكن نقول من غير قرقضة


بس بجد الموضوع حلو والعنوان مميز


تحياتى لك

اهلا هناء


هو كلكم مش بتقرقضوا

لا لاااااااازم تقرقضوا ..


اومال ايه وسيلة التعبير عن القلق عندكم؟

منورة الموضوع وتابعينا

[الدكتوووور]

ههههههههههههههههه
دكتور انا بقرقض الصلاحة بس لانى مش بحبها تبقى طويلة
وموضوعك جميل جدااا وهتابع بأذن الله
فكرتة جنان يا غالى

اهلا يا سفير الحب

منور يا غالي

الحمد لله انها عجبتك واتمني تكون خفيفة علي قلبك

[الدكتوووور]

انا قلقانة من الموضوع ده
هههههههههههههه
منتظرااااااه

ليه بس يا امونة

مفيش قلق ولا حاجة

مش اللي في دماغك خالص

احنا ناقصين؟؟

منورانا وتابعينا

[الدكتوووور]

اول قرقضاتنا النهاردة هيه

مشكلة الامتحانات

وانا هاحكي عن تجربة خاصة في سنة خامسة

اكيد كل واحد فينا ليلة الامتحانات دي بيقرقض ضوافره من القلق ويمكن ضوافر اللي جنبه كمان

من اصعب الليالي اللي مرت عليا في موضوع قرقضة الامتحانات ده كانت ليلة امتحان ورقة الباطنة الاول ويليها الثانية فالثالثة

المهم طول الليل والواحد بيذاكر وعليه انه يراجع بتاع 1200 ورقة من المقطع الطويل في ليلة عشان يلحق يخلصهم لان نظام الامتحان اتغير وبقي اسئلة صغيرة وكمان فيه اختيار من متعدد وعيشة بقي

نسيت اقولكم ان مفيش مصدر معين تذاكر منه .. يعني الواحد كان مطالب بانه يقرا من اكتر من مصدر عشان يجمع المعلومة صح ...

طول السنة الموضوع ده مش مهم .. لانك بتحاول تجمع معلومات وتفهم ... لكن ليلة الامتحان دي بقي مشكلة .. هتذاكر منين وهتذاكر ايه وهتقرا ايه..

تصوروا انا غيرت كل مصادر المذاكرة بتاعتي قبل الامتحان باسبوعين عشان المصادر الاولانية اكتشفت انها فيها ناقص وبرضة فيها زيادات مالهاش لازمة ... وهيصة والشاب بيرقص عالتربيزة..

المهم ... ايش اللي حصل .. مع اول حقنة من الامتحان .. اقصد اول سؤال نزل عالواحد برود غريب .. اصلك اما تقرا اول سؤال وانت والحمد لله مش عارفه والتاني اول مرة نسمع عنه والتالت مشفتش الكلام الغريب ده قبل كده والرابع كان مش مهم في المذاكرة .. واسئلة غريبة ومش مفيدة ومالهاش لازمة غير في التعقيد للطلبة وبس .. ساعتها حسيت بقيمة الاغنية الوطنية .. يبقي انت اكيد اكيد في مصر..

المهم عدت اول ساعة والواحد وصل لنتيجة هايلة .. ان الورقة لسه بيضا وهو لسه بيقرقض في ضوافره من 15 سؤال عارف 5 بس منهم 2 مية مية وال3 هيعرف يكتب فيهم انما الباقي هيكتب فيه ايه .......

وعدت كمان نص ساعة وخلصنا ال5 اسئلة .. نعمل ايه بقي ...

بعد ما نقرقض .. نسطر الصفحات ونحاول بقي ونكتب اي حاجة نغزي بيها العين .....
طبعا في وسط الحكاية دي ... نظرات بينا وبين زمايلنا وضحكات بريئة وابتسامات تنم عن الاستغراب والدهشة والاعجاب بمستوي الاسئلة التي تعدت مستوي الدكتوراة...

والحمد لله مرت الثلاث ساعات علي خير دون حادث انتحار واحد ... سوي بعض التاوهات والسخرية و....... وحانت لحظة تسليم الورق

وسلمنا الورق وغادرنا مسرح الجريمة والواحد والحمد لله بيدور علي ضوافر تانية عشان يعرف يقرقض فيها في الامتحانات الجاية .....

خلصت القرقضة .. وهيه خفيفة المرة دي
ونكمل بعد كده باذن الله

واستنونا في قرقضة تانية .. لعل وعسي .....